"Neftçi"də daha bir qalmaqal yaşanıb.

Pressing.az-ın məlumatına əsasən, komandanın azarkeşlərlə əlaqələndirici şəxsi Aqil Məmmədquliyev klubun media və PR departamentinin əməkdaşları ilə sərt danışıb. O, oyunlardan öncə klublara atmacalı promo videoların komandaya və azarkeşlərə yaxşı təsir etmədiyini bildirib.

Məmmədquliyev tikanlı promoların rəqibləri daha da motivasiya etdiyini bildirib. O, belə videoların oyundan sonra hazırlanmalı olduğunu söyləyib. Aqil "Sabah"la oyundakı məğlubiyyətdən sonra azarkeşlərin həddən artıq məyus olduğunu da klubdakı şəxslərə çatdırıb və videolar hazırlanarkən diqqətli olmalarını sözlərinə əlavə edib.