Zaur Həşimov: "Yenə hesabda önə keçdiyimiz oyunda qol buraxdıq və qələbəni əldən verdik"

“Şəfa”nın baş məşqçisi Zaur Həşimov Misli Premyer Liqasının 10-cu turunun son matçında səfərdə “Sumqayıt”la heç-heçə etdikləri matçı (1:1) şərh edib.

Pressing.az xəbər verir ki, mütəxəssis komandasından razı qaldığını qeyd edib:

"Ardıcıl məğlubiyyətlərdən sonra ilk xalımızı qazandıq. Buna görə sevincliyik. Digər tərəfdən, məyusuq. Çünki çoxsaylı qol imkanları yaratsaq da, onlardan yararlana bilmədik. Yenə hesabda önə keçdiyimiz oyunda qol buraxdıq və qələbəni əldən verdik. Buna baxmayaraq, futbolçularıma təşəkkür etdim. Həqiqətən də yaxşı oynadılar. Son iki turda da komandamın çıxışından razı qalmışdım".