MPL: "Neftçi" "Araz-Naxçıvan"a, "Qarabağ" "Turan Tovuz"a qarşı

Bu gün Misli Premyer Liqasında 18-ci tura yekun vurulacaq.

QOL.az xəbər verir ki, son oyun günündə iki görüş keçiriləcək.

İlk oyunda "Araz-Naxçıvan" "Neftçi"ni qəbul edəcək. Qarşılaşma saat 16:00-da başlayacaq. Komandaların ilk dövrədəki matçında 2:2 hesabı qeydə alınıb.

Günün son oyununu turun mərkəzi qarşılaşması adlandırmaq olar. Burada "Qarabağ" "Turan Tovuz"u qəbul edəcək. Tofiq Bəhramov adına Respublika Stadionunda keçiriləcək oyun saat 18:30-da start götürəcək. "Qarabağ" hazırda 36 xalla 2-ci, bir oyun az keçirən "Turan Tovuz" isə 30 xalla 3-cüdür.

İlk dövrədə "Qarabağ" "Turan Tovuz"a 2:1 hesabı ilə qalib gəlib.

1 fevral

Misli Premyer Liqası, 18-ci tur

16:00. “Araz - Naxçıvan” – “Neftçi”
Hakimlər: Rauf Cabarov, Zeynal Zeynalov, Şirmamed Mamedov, Alik Yunusov
VAR: Vüqar Həsənli
AVAR: Cəmil Quliyev
"Liv Bona Dea Arena"

18:30. “Qarabağ” – “Turan Tovuz”
Hakimlər: Elçin Məsiyev, Elşad Abdullayev, Pərvin Talıbov, Elvin Bayramov
VAR: Rəşad Əhmədov
AVAR: Akif Əmirəli
Tofiq Bəhramov adına Respublika Stadionu