"Napoli", "Borussiya"... Koxalski "Qarabağ"dan AYRILIR?

İtaliya mətbuatı "Qarabağ"ın qapıçısı Mateuş Koxalskinin Avropanın bir neçə tanınmış klubunun maraq dairəsinə düşdüyünü yazır.

Pressing.az xəbər verir ki, "Corriere dello Sport" nəşrində yayılan məlumata əsasən, Koxalski artıq A Seriyasının son qalibi "Napoli"nin də maraq dairəsinə düşüb.

Bununla yanaşı, Almaniyanın "Borussiya"(Dortmund) klubunun da bir müddət əvvəl qapıçı ilə maraqlandığına dair xəbərlər yayılıb. Bundesliqa klubu artıq polşalı oyunçunun transferini reallaşdırmaq qərarına gəlib. Onun artıq qış transferi pəncərəsi dövründə "Qarabağ"dan Almaniya təmsilçisinə transfer oluna biləcəyi iddia edilir.

Belə olarsa, Koxalski yanvarda ÇL-in son iki turunun "Ayntraxt"la (Almaniya) ev, "Liverpul"la (İngiltərə) səfər matçında "Qarabağ"a kömək edə bilməyəcək.

Qeyd edək ki, Koxalskinin "Qarabağ"la müqaviləsi 2027-ci ilin yayında başa çatır.