“Gəncə” doğma meydanda uduzdu – Yüksək Liqa

Qadın voleybolçular arasında Azərbaycan Yüksək Liqasında bu gün 18-ci tura yekun vurulub.

Pressing.az xəbər verir ki, turun son oyun günündə “Gəncə” evdə “Murov Az Terminal”la qarşılaşıb. Gəncə İdman Sarayında keçirilən görüş qonaqların 3:1 (25:15, 22:25, 25:22, 28:26) hesablı qələbəsi ilə başa çatıb.

Turun ötən gün keçirilən görüşlərində “Abşeron” “Milli Aviasiya Akademiyası”na, “Azərreyl” isə UNEC-ə 3:0 hesabı ilə qalib gəlib.