Kişi voleybolçuların Yüksək Liqasında növbəti turun oyunları keçirilib.

Pressing.az xəbər verir ki, bu gün Yüksək Liqada VII turun iki oyunu baş tutub. FHN-nin idman zalında “Xilasedici” klubu “Neftçi”lə qarşılaşıb. Oyun “Xilasedici” komandasının 3:0 hesablı qələbəsi ilə başa çatıb.

Turun daha bir oyunu isə Sumqayıt OİK-də “Gənclər” və MOİK komandaları arasında olub. Görüşün qalibi taybrekdə müəyyən olunub. Gərgin keçən matçda MOİK 3:2 hesabı ilə qələbə qazanıb.

Qeyd edək ki, VII turun son qarşılaşması sabah “AZERRAIL” və “Murov Az Terminal” komandları arasında olacaq.

Oyunların nəticələri
Yüksək Liqa
22 yanvar
VII tur
“Xilasedici” - “Neftçi” 3:0 (25:16, 25:23, 25:12)
“Gənclər” - MOİK 2:3 (25:22, 19:25, 25:20, 20:25, 9:15)

23 yanvar
VII tur
16:00. “AZERRAIL” - “Murov Az Terminal”
Ünvan: GİN-nin Voleybol Mərkəzi
AVF-nin rəsmi Youtube kanalı (canlı)