Azərbaycan yığması Litvaya qarşı

Qadın basketbolçulardan ibarət Azərbaycan yığması bu gün Avro-2025-in seçmə mərhələsində növbəti oyununu keçirəcək.

Pressing.az xəbər verir ki, Evren Alkayanın baş məşqçisi olduğu komandanın C qrupunda 4-cü matçı Litvaya qarşı olacaq.

Polşada keçiriləcək görüş Bakı vaxtı ilə saat 20:00-da başlayacaq.

Qeyd edək ki, Azərbaycan millisi daha əvvəl Litva (62:99), Polşa (51:105) və Belçikaya (28:136) uduzub.