Misli Premyer Liqasında 10-cu turun oyunları davam edir.

Pressing.az xəbər verir ki, bu gün turun daha 2 matçı keçiriləcək.

Günün ilk oyununda “Araz-Naxçıvan” səfərdə “Şamaxı”nın qonağı olacaq.

Hazırda Naxçıvan klubu turnir cədvəlində üçüncü pillədə qərarlaşıb. Komanda səfərdə 3 xal qazana bilsə, ən azı 1 günlük ikinci pilləyə yüksələcək.

“Şamaxı” isə 12 xalla altıncıdır. Son 2 turda qələbəyə həsrət qalan Ayxan Abbasovun komandası bu gün qalib gəlməklə həm uğursuz seriyaya son qoyacaq, həm də ilk dövrədəki məğlubiyyətin (0:1) əvəzini çıxmış olacaq.

10-cu tur

19 oktyabr (şənbə)

15:30. “Şamaxı” - “Araz-Naxçıvan”
Hakimlər: Fərid Hacıyev, Kamran Bayramov, Teymur Teymurov, Kamran Əliyev
VAR: Nicat İsmayıllı
Şamaxı şəhər stadionu

18:00. “Neftçi” - “Səbail”
Hakimlər: Rauf Cabarov, Eyyub İbrahimov, Rəhman İmami, Tural Qurbanov
VAR: Əliyar Ağayev
“Neftçi Arena”