"Turan Tovuz" İdman Arbitraj Məhkəməsinə müraciət edəcək

UEFA tərəfindən avrokuboklardan kənarlaşdırılan "Turan Tovuz" İdman Arbitraj Məhkəməsinə (CAS) şikayət edəcək.

Pressing.az xəbər verir ki, bu barədə klubun yaydığı bəyanatda qeyd edilib:

"Bildirmək istəyirik ki, klubumuz tərəfindən qərarın dəyişdirilməsi və bütün idman prinsipləri qorunaraq vəsiqə qazandığımız Konfrans Liqasında iştirakımızın təmin edilməsi üçün bu gündən etibarən bütün hüquqi addımlar atılacaq və İdman Arbitraj Məhkəməsinə (CAS) müraciət olunacaq".

Klubun açıqlamasında Konfrans Liqasına hazırlıq planlarında da dəyişiklik olmayacağı bildirilib.