AFFA rəhbərliyi bugünlərdə bir neçə bölgəyə səfər edib.

Belə ki, AFFA-nın baş katibi Cahangir Fərəcullayev, baş katibin müavini Kamran Vəliyev, Futbolun İnkişaf Fondunun icraçı direktoru Tural Piriyev və İnkişaf Strategiyasının icrası üzrə layihə qrupunun dövlət qurumları ilə əlaqələrinə məsul şəxs Ramazan Səmədov Qəbələ, Şəki, Qax və Zaqatala rayonlarına yollanıblar.

Pressing.az-ın məlumatına görə, qurum rəsmiləri Şəkiyə səfər zamanı meydança salınması üçün bir neçə əraziyə baxış keçirib, rayonun hazırda peşəkar liqada çıxış edən komandası "Şəki Siti"nin maliyə dayaqlarının artırılması prosesi ilə tanış olublar.

AFFA rəhbərliyi səfər çərçivəsində "Şəki Siti" klubunun prezidenti Elgün Hüseynovla da görüşüb. Hüseynov görüş zamanı peşəkar məşqçilərin yoxluğu, o cümlədən meydançaların olmamasını qonaqların diqqətinə çatdırıb.

Cahangir Fərəcullayev başda olmaqla, rəsmilər Şəkidə ilk dəfə olaraq məşqçi kurslarının təşkil ediləcəyinə söz veriblər.

Pressing.az