İsveçdə Şuşaya həsr olunan turnir keçirildi - FOTOLAR
Stokholm şəhərində “Şuşa Fotboll Masterskap 2022” beynəlxalq minifutbol turniri keçirilib.
Pressing.az xəbər verir ki, yarışda 16 ölkənin (Azərbaycan, Albaniya, Argentina, Braziliya, Fransa, Xorvatiya, İsveç, İtaliya, Kolumbiya, Qazaxıstan, Qırğızıstan, Misir, Nigeriya, Tunis, Uruqvay, Yunanıstan) İsveçdə yaşayan nümayəndələrindən ibarət minifutbol komandaları iştirak edib.
Albaniya və Braziliya komandalarının mübarizə apardığı finalda 2:1 hesablı qələbə qazanan albanlar turnirin qalibi olublar.
Azərbaycanın İsveçdəki səfiri Zaur Əhmədov və İsveç Azərbaycanlıları Konqresinin rəhbəri Emil Mirzəyev Albaniya komandasına turnirin kuboku və xatirə medallarını təqdim ediblər. Səfir Zaur Əhmədov bildirib ki, Stokholmda belə bir tədbirin keçirilməsi həm də Azərbaycanın mədəniyyətlərarası və dinlərarası dialoqun təşviqinə töhfəsi kimi qiymətləndirilə bilər.
İsveçdə yaşayan həmvətənlərimizdən ibarət Azərbaycan komandası yarışda 3-cü olub. Komandamızın heyətində vaxtilə Azərbaycan millisinin formasını geyinmiş Anatoli Ponomaryov da çıxış edib.
Qeyd edək ki, yarış İsveç Azərbaycanlıları Konqresi tərəfindən Azərbaycanın İsveç Krallığındakı səfirliyinin dəstəyi ilə keçirilib. İsveç Azərbaycanlıları Konqresinin sədri Emil Mirzəyev beynəlxalq turnirin Azərbaycan Respublikası Prezidenti İlham Əliyevin elan etdiyi “Şuşa İli”nə həsr olunduğunu, turnirin ərsəyə gəlməsində həmçinin futbol məşqçisi Rüfət Əhmədov və "Sabah" klubunun idman direktoru İqor Ponomaryovun da əməyinin olduğunu vurğulayıb.
Pressing.az xəbər verir ki, yarışda 16 ölkənin (Azərbaycan, Albaniya, Argentina, Braziliya, Fransa, Xorvatiya, İsveç, İtaliya, Kolumbiya, Qazaxıstan, Qırğızıstan, Misir, Nigeriya, Tunis, Uruqvay, Yunanıstan) İsveçdə yaşayan nümayəndələrindən ibarət minifutbol komandaları iştirak edib.
Albaniya və Braziliya komandalarının mübarizə apardığı finalda 2:1 hesablı qələbə qazanan albanlar turnirin qalibi olublar.
Azərbaycanın İsveçdəki səfiri Zaur Əhmədov və İsveç Azərbaycanlıları Konqresinin rəhbəri Emil Mirzəyev Albaniya komandasına turnirin kuboku və xatirə medallarını təqdim ediblər. Səfir Zaur Əhmədov bildirib ki, Stokholmda belə bir tədbirin keçirilməsi həm də Azərbaycanın mədəniyyətlərarası və dinlərarası dialoqun təşviqinə töhfəsi kimi qiymətləndirilə bilər.
İsveçdə yaşayan həmvətənlərimizdən ibarət Azərbaycan komandası yarışda 3-cü olub. Komandamızın heyətində vaxtilə Azərbaycan millisinin formasını geyinmiş Anatoli Ponomaryov da çıxış edib.
Qeyd edək ki, yarış İsveç Azərbaycanlıları Konqresi tərəfindən Azərbaycanın İsveç Krallığındakı səfirliyinin dəstəyi ilə keçirilib. İsveç Azərbaycanlıları Konqresinin sədri Emil Mirzəyev beynəlxalq turnirin Azərbaycan Respublikası Prezidenti İlham Əliyevin elan etdiyi “Şuşa İli”nə həsr olunduğunu, turnirin ərsəyə gəlməsində həmçinin futbol məşqçisi Rüfət Əhmədov və "Sabah" klubunun idman direktoru İqor Ponomaryovun da əməyinin olduğunu vurğulayıb.
