Xəbər lenti

Çimərlik futbolu üzrə Azərbaycan yığması Bakıda təşkil edilən təlim-məşq toplanışı çərçivəsində ikinci yoldaşlıq görüşünü keçirib.

Pressing.az xəbər verir ki, millimiz növbəti dəfə Belarus yığması ilə qarşılaşıb. Su İdmanı Sarayının çimərlik futbolu meydançasında keçirilən qarşılaşmada rəqib 3:2 hesablı qələbə qazanıb. Komandamızın heyətində qolları Amid Nəzərov və Sabir Allahquliyev vurublar.

Komandalar arasında bir gün əvvəl keçirilən qarşılaşmada Belarus yığması 4:2 hesablı qələbə qazanmışdı.

Qeyd edək ki, yeni baş məşqçi Sahib Məmmədovun rəhbərliyi altında avqustun 1-dən təlim-məşq toplanışında olan Azərbaycan milli komandasının hazırlığı ayın 31-dək davam edəcək.