Bu gün Azərbaycan qadınlardan ibarət basketbol millisi Avropa çempionatı-2027-nin seçmə mərhələsi çərçivəsində ikinci oyununu keçirəcək.

Pressing.az xəbər verir ki, E qrupunda mübarizə aparan yığmamız Bakıda Monteneqro (komandasını qəbul edəcək.

Bakı İdman Sarayında keçiriləcək oyun yerli vaxtla saat 15:00-da başlanacaq.

Qeyd edək ki, Azərbaycan ilk turda Bolqarıstana 48:141 hesabı ilə məğlub olub. Monteneqro isə öz meydanında Ukraynaya 65:71 hesabı ilə uduzub. Yığmamız növbəti matçını noyabrın 18-də Ukraynaya qarşı keçirəcək. Qrupdakı digər qarşılaşmalar gələn ilin mart ayında baş tutacaq.

Final mərhələsinə yüksəlmək üçün qrupda ilk iki yerdən birini tutmaq və ya üçüncü olan komandalar arasında ən yaxşı nəticə göstərmək tələb olunur.

Avropa çempionatının final mərhələsi Belçika, İsveç, Finlandiya və Litvada keçiriləcək.